Advertido un erro no anuncio de licitación publicado no DOG núm. 48, do día 11 de marzo de 2015, procede efectuar a súa corrección:
Considerando que o prazo mínimo preceptivo de 15 días non remata o día 23 de marzo, tal e como aparece publicado, se non o día 26 de marzo, cómpre efectuar as correccións oportunas nas alíneas correspondentes do anuncio.
En consecuencia, procédese á modificación da data límite para a obtención de documentación, información e presentación de ofertas e fíxase esta no día 26 de marzo de 2015.
Deste xeito, onde di: «23 de marzo de 2015», debe dicir: «26 de marzo de 2015».
Permanece en idénticos termos o resto do contido do anuncio.
Santiago de Compostela, 11 de marzo de 2015
Juan José Muñoz Iglesias
Xerente da Axencia Galega de Emerxencias