De conformidade co artigo 23, número 3, da Lei 16/2002, do 1 de xullo, de prevención e control integrados da contaminación, as comunidades autónomas darán publicidade nos seus respectivos boletíns oficiais ás resolucións administrativas mediante as cales se outorgaron, modificaron ou revisaron as autorizacións ambientais integradas.
Atendendo ao anteriormente exposto, a Secretaría Xeral de Calidade e Avaliación Ambiental resolve dar publicidade no DOG á modificación substancial da autorización ambiental integrada que se relaciona a continuación, que se pode consultar na seguinte URL:
http://www.cmati.xunta.es/busca-de-expedientes-da-autorizacion-ambiental-integrada
ou ben nas dependencias da Secretaría Xeral, sitas en Santiago de Compostela (San Lázaro, s/n, 2º andar).
– Resolución do 23 de febreiro de 2015, da Secretaría Xeral de Calidade e Avaliación Ambiental, de modificación (por modificación substancial) e refundido do texto da autorización ambiental integrada outorgada a Conejos Gallegos Cogal, S.C.G., para un matadoiro de coellos e parrulos con sala de despezamento e envasado e planta de transformación de subprodutos de categoría 3, no complexo industrial de Álceme, no concello de Rodeiro (Pontevedra). Nº de rexistro: 2007/0230_NAA/IPPC_220.
Santiago de Compostela, 25 de febreiro de 2015
Justo de Benito Basanta
Secretario xeral de Calidade e Avaliación Ambiental