Aprobado por decreto da Alcaldía do 11 de febreiro de 2015 o expediente de contratación, incluídos os pregos de cláusulas administrativas particulares e técnicas que rexerán o concurso para adxudicar a contratación, polo procedemento aberto, do servizo de conservación e mantemento de zonas verdes e xardíns do concello da Guarda, que se expoñen ao público durante oito (8) días, contados a partir do seguinte ao desta publicación, para que poida presentar reclamacións quen se considere interesado.
Simultaneamente anúnciase a contratación e aprazarase a licitación, se resultar necesario, por formularse reclamacións contra os pregos.
Entidade adxudicadora:
Concello da Guarda, praza do Reló, s/n, 36780. Teléfono: 986 61 00 00. Fax: 986 61 02 83.
Obxecto do contrato:
É obxecto do contrato a prestación do servizo de conservación e mantemento de zonas verdes e xardíns do concello da Guarda.
Duración:
Dous anos, con posibilidade de prórroga.
Tipo de licitación:
160.000 € (IVE incluído), importe que poderá ser mellorado á baixa polos licitadores.
Modalidade de adxudicación:
Procedemento aberto, tramitación ordinaria.
Garantías:
Provisoria: non se exixe.
Definitiva: o adxudicatario, como requisito previo e necesario para a formalización do contrato, deberá constituír a garantía definitiva a que se refire o artigo 95 do texto refundido da Lei de contratos do sector público, por importe equivalente ao 5 por 100 do importe da adxudicación, excluído o imposto sobre o valor engadido, por medio de calquera das formas previstas no artigo 96 e segundo o estipulado no artigo 97 do TRLCSP en canto ao réxime das garantías prestadas por terceiros.
Exame do expediente:
Os licitadores poderán examinar o expediente na Secretaría Xeral do Concello, de luns a venres, das 9.00 ás 13.00 horas, agás sábados e festivos e ata o día anterior ao do remate do prazo de presentación de proposicións.
Presentación de proposicións:
As proposicións presentaranse no Rexistro Xeral do Concello da Guarda de luns a venres, das 9.00 ás 14.00 horas, e os sábados das 10.00 ás 13.00 horas, durante o prazo de quince (15) días hábiles contados a partir do día seguinte ao da última publicación no Diario Oficial de Galicia ou no Boletín Oficial da provincia.
Apertura de proposicións:
Ás 10.00 horas do sexto día hábil seguinte ao da finalización do prazo de presentación de ofertas, a mesa de contratación procederá, en acto público, á apertura das propostas económicas e técnicas presentadas (sobres B e C). Para estes efectos, se tal día é sábado, o acto terá lugar o día hábil seguinte.
A Guarda, 11 de febreiro de 2015
José Manuel Domínguez Freitas
Alcalde