De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificado pola Lei 4/1999, do 13 de xaneiro (BOE núm. 13, do 14 de xaneiro), notifícanselle á persoa que a continuación se indica as resolucións do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente existente nesta xefatura territorial.
O interesado poderá interpoñer recurso ante o Xulgado de Primeira Instancia de Pontevedra que por quenda corresponda, no prazo de dous meses desde o día seguinte ao da publicación desta resolución, sen necesidade de reclamación administrativa previa, de conformidade co disposto no artigo 780 da Lei 1/2000, do 7 de xaneiro, de axuizamento civil.
O correspondente expediente consta no Servizo de Familia e Menores da Xefatura Territorial en Vigo da Consellería de Traballo e Benestar; rúa Concepción Arenal, 8, 1ª planta, 36201 Vigo, onde poderá comparecer no prazo de 5 (cinco) días hábiles (de luns a venres, das 9.00 ás 14.00 horas) para coñecemento do contenido íntegro da resolución e constancia de tal coñecemento.
– Nº expediente: 2013/196-5.
– Interesado: Luis Jiménez Giménez.
– Domicilio: descoñecido.
– Asunto: notificación dunha resolución administrativa do 9 de decembro de 2014.
Vigo, 22 de xaneiro de 2015
María Peón Fernández
Xefa territorial de Vigo