Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento despedimento obxectivo individual 684/2014 deste xulgado do social, seguido por instancia de Víctor M. Falque Tapia contra Pescados Juan Fernández, S.L., Fondo de Garantía Salarial sobre despedimento, se ditou sentenza nº 474, cuxo encabezamento e resolución son do teor literal:

Demandante: Víctor M. Falque Tapia.

Avogada:

Demandada: Pescados Juan Fernández, S.L.U. (non comparece).

Interveniente: Fogasa (non comparece).

Sentenza.

Santiago de Compostela, 5 de decembro de 2014.

(…)

Resolvo:

Que estimando a demanda promovida por Víctor M. Falque Tapia contra a empresa Pescados Juan Fernández, S.L.U., debo declarar e declaro nulo o despedimento efectuado ao demandante, así como declaro extinta a relación laboral entre o demandante e a demandada, condenando a empresa demandada a que aboe unha indemnización de vinte e cinco mil catro euros con dous céntimos (25.004,02 €), con aboamento dos salarios de tramitación devindicados desde a data do despedimento ata a data de notificación desta sentenza, a razón de 43,58 euros diarios.

Todo isto sen prexuízo da responsabilidade que ao Fogasa lle corresponda asumir dentro dos límites legais (artigo 33 ET).

Notifíquese a presente resolución ás partes e fágaselles saber que contra ela se poderá interpor recurso de suplicación, ante a Sala do Social do Tribunal Superior de Xustiza de Galicia, no prazo de cinco días desde a súa notificación. Pasado este prazo, quedará firme en dereito.

Así, por esta miña sentenza, pronúncioo, mándoo e asínoo, Miguel Ángel García Lastres, xuíz substituto do Xulgado de Reforzo do Social número 3 de Santiago de Compostela.

E para que sirva de notificación en legal forma a Pescados Juan Fernández, S.L., en ignorado paradoiro, expido este edicto para a súa inserción no Diario Oficial de Galicia e a súa publicación no taboleiro do xulgado.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Santiago de Compostela, 3 de febreiro de 2015

A secretaria xudicial