Intentada a notificación persoal e devolta polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, modificada pola Lei 4/1999, pola presente cédula notifícaselle á entidade relacionada no anexo a resolución do procedemento de reintegro da subvención concedida mediante resolución do director xeral de Promoción do Emprego e Formación con data do 13 de outubro de 2010.
Faise saber que a interesada disporá dun prazo de quince (15) días para que alegue ou presente os documentos que xulgue pertinentes, de acordo co disposto no artigo 77 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
Recórdaselles tamén o seu dereito a consultar o expediente, depositado nas dependencias desta dirección xeral, sita no Edificio Administrativo San Lázaro, s/n, en Santiago de Compostela, e a obter, de ser o caso, copia da resolución, segundo o previsto na letra a) do artigo 35 da mencionada Lei 30/1992.
Santiago de Compostela, 26 de xaneiro de 2015
Ana María Díaz López
Directora xeral de Emprego e Formación
ANEXO
Entidade: Asociación da Cultura Galega Nós.
Enderezo: rúa Riga nº 4, 2º B, 15701 Santiago de Compostela.
Nº de expediente: TR352A 2010/670-0.
Data da resolución do expediente de reintegro: 7 de xaneiro de 2015.
Preceptos incumpridos: artigo 9.4 da Orde do 10 de marzo de 2010 pola que se establecen as bases que regulan, para o exercicio do ano 2010, as axudas e subvencións para o fomento do emprego a través dos programas de cooperación, no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro e se procede á súa convocatoria para o ano 2010 (DOG núm. 54, do 22 de marzo); artigo 33.1.g) da Lei 9/2007, do 13 de xuño, de subvencións de Galicia.
Cantidade que hai que reintegrar: 13.431,24 €.