Para os efectos previstos no Real decreto lexislativo 1/2008, do 11 de xaneiro, polo que se aproba o texto refundido da Lei de avaliación de impacto ambiental de proxectos (BOE núm. 23, do 26 de xaneiro), faise público que, por espazo de trinta (30) días hábiles, contados a partir do día seguinte ao da publicación deste anuncio, quedará exposto en horas de atención ao público o estudo de impacto ambiental do proxecto referido no encabezamento, co fin de que calquera interesado poida consultalo e, se for o caso, formular nese prazo as alegacións, suxestións e/ou observacións que considere convenientes.
A documentación que se expón será:
• Estudo de impacto ambiental do proxecto de embarcadoiro en Valga (Valga, Pontevedra).
Para iso poranse á disposición dos administrados, en horario de atención ao público, exemplares da citada documentación nas seguintes dependencias:
• Portos de Galicia. Área de Infraestruturas (praza de Europa, 5-A, 6º, 15707 Santiago de Compostela).
• Servidor web da entidade pública Portos de Galicia, na seguinte ligazón:
http://www.portosdegalicia.es/gl/documentacion/pregos-e-documentos.html
Santiago de Compostela, 21 de xaneiro de 2015
José Juan Durán Hermida
Presidente de Portos de Galicia