A Secretaría do Comité Autonómico de Ética de Investigación Clínica de Galicia enviou o 13.1.2015 un escrito á Secretaría Xeral Técnica da Consellería de Sanidade en que comunicar o cesamento por pedimento propio dun membro dese comité.

Antecedentes:

Mediante a Resolución do 21 de xaneiro de 2014, que se publicou no DOG
núm. 22, do 3 de febreiro, concedeuse a acreditación do Comité Territorial de Ética da Investigación de Santiago-Lugo, establecese a súa sede e nomeáronse como membros as persoas que se relacionaban no seu anexo. Entre elas, figuraba Rafael López López.

Consideracións legais e técnicas:

O Decreto 63/2013, do 11 de abril, regula os comités territoriais de ética da investigación. No relativo á súa composición, o artigo 9.5 sinala que «os membros destes comités serán designados/as e nomeados/as pola persoa titular da consellería competente en materia de sanidade, por proposta da Secretaría Xeral Técnica, garantindo en todo caso a representación equilibrada de homes e mulleres».

Pola súa banda, o número 6 do artigo 9 do citado Decreto 63/2013, do 11 de abril, dispón que «o nomeamento efectuarase por un período coincidente co de vixencia da acreditación do comité, aínda que poderá ser revogado ben por solicitude de baixa da persoa interesada, ben por se teren modificado as circunstancias que motivaron a súa designación de modo que supoña a perda dos requisitos para integrar o comité, ou por incumprimento notorio das súas funcións, a criterio do comité, e logo de audiencia do interesado».

Logo de ver o que se expuxo, e de acordo coa proposta que efectuou a Secretaría Xeral Técnica desta consellería,

RESOLVO:

Revogar o nomeamento de Rafael López López, pola súa solicitude, como membro do Comité Territorial de Ética de Investigación de Santiago-Lugo.

Santiago de Compostela, 16 de xaneiro de 2015

Rocío Mosquera Álvarez
Conselleira de Sanidade