En cumprimento do disposto no artigo 4.2 do Decreto 406/2009, do 22 de outubro, polo que se crea o Rexistro de Asociacións Profesionais de Traballadores Autónomos da Comunidade Autónoma de Galicia, faise público que no Servizo do Traballo Autónomo e Apoio ás Persoas Emprendedoras da Dirección Xeral de Traballo e Economía Social están depositados os estatutos da Asociación Unión de Traballadores Autónomos do Transporte, o Mar e as Comunicacións de Galicia (Uniatramc-Galicia), da que se fan as seguintes indicacións:
Ámbito territorial: Comunidade Autónoma de Galicia.
Especialidade subxectiva e de obxectivos: representar, defender e coordinar os dereitos e os intereses dos seus membros.
Ámbito funcional: poderán ser integrantes da asociación todos aqueles traballadores autónomos dedicados aos sectores das actividades do transporte, do mar ou as comunicacións.
Asinantes da acta de constitución: Emilio Bahamonde López, Cándido Rodríguez Graña, Genoveva Maneiro Otero, José Antonio Fernández García, Manuel Maneiro Castro e Martín Manuel Martínez Figueiro.
Santiago de Compostela, 23 de decembro de 2014
Carmen Bouso Montero
Directora xeral de Traballo e Economía Social