Para os efectos previstos na Lei 24/2013, do 26 de decembro, do sector eléctrico (BOE nº 310, do 27 de decembro), e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese á información pública a petición de autorización administrativa previa e a declaración de utilidade pública, en concreto, da instalación eléctrica que se describe:

Número de expediente: IN407A 2014/182-1.

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: LMT, CT e RBT Susavila.

Situación: concello de Dodro.

Características técnicas:

LMT aérea ao CT Susavila, a 20 kV, cunha lonxitude de 348 m, con orixe no apoio nº 21 existente na LMT PAD-809, tramo entre a derivada ao CT Revixos (expediente 30196) e a derivada ao CT Vigo-Dodro (expediente 50194), condutor tipo LA-56/54,6 mm2, e final no CT Susavila (proxectado).

CT intemperie Susavila, cunha potencia de 100 kVA e unha relación de transformación 20.000/400-230 V.

Liña de baixa tensión aérea do CT Susavila cunha lonxitude de 715 m, con orixe no CT proxectado, conductor tipo RZ.

RBT subterránea do CT Susavila, cunha lonxitude de 532 m, con orixe no apoio nº 1 proxectado, condutor tipo RZ.

A relación concreta e individualizada dos bens e dereitos afectados que se considera de necesaria expropiación figura no anexo que se insire xunto a esta resolución.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa.

Esta publicación faise igualmente para os efectos do artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos terreos propostos sexan descoñecidos, se ignore o lugar de notificación, ou ben, intentada a notificación, non se poida realizar, e, deste xeito, dirixir ao Ministerio Fiscal as dilixencias que se produzan sobre estes, de conformidade co artigo 5 da Lei do 16 de decembro de 1954, sobre expropiación forzosa.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita na rúa Vicente Ferrer, 2, 2º andar, 15071 A Coruña, no prazo de vinte días, a partir da última publicación ou notificación individual.

A Coruña, 10 de decembro de 2014

Isidoro Martínez Arca
Xefe territorial da Coruña

ANEXO
Relación de propietarios, bens e dereitos afectados

Expediente número: IN407A 2014/182-1. Concello: Dodro. Provincia: A Coruña.

LMT, CT e RBT Susavila.

Nº de predio	Paraxe	Cultivo	Nome e apelidos	Apoio		Afeccións
Nº	m2	ml aér.	m2 aér.
1	Breimande	Prado	Hros. Rosa Pérez Manselle Repr.: José Buela Baleirón			7	70
2	Breimande	Prado	Beatriz Romero González	21/1 «xs»	9.0	40	400
3	Breimande	Labor	Eloy Calvo Pérez e outros			33	330
4	Breimande	Monte alto	Hros. Manuel González Morales			19	305
5	Cebolar	Prado	José Pérez Roboira			1	31
6	Cebolar	Prado	Óscar Cerqueiras Vigo			27	236
7	Cebolar	Prado	Esther Vigo Romero			5	54
8	Cebolar	Prado	Indalecio Calvo Pérez	1/2 (21/2)	1.0	28	272
9	Cebolar	Labor	María Dolores Citoula Romero			0	12
10	Cebolar	Labor	Carlos e Carmen Calvo Pérez			0	23
11	Cebolar	Labor	Saturnino Calvo Susavila	1/2 (21/2)	1.0	18	158
12	Cebolar	Prado	Fernando Calvo Pérez			29	290
13	Cebolar	Prado	Ramón Calvo			25	250
14	Cebolar	Labor	María Calvo Pérez	1/2 (21/3)	1.0	22	220
15	Cebolar	Labor	Ramón Romero Vigo	1/2 (21/3)	1.0	18	180
16	Cebolar	Labor	Inés Romero Carou Repr.: Ángel Romero Carou			27	252
17	Cebolar	Labor	Jorge Susavila Collazo			2	31
18	Cebolar	Prado	Hros. Ramón González Rodríguez			20	200
19	Fonte de Campos	Prado	María Isabel Morales López	1/2 (21/4) Centro transf.	4.5	15	150
20	Fonte de Campos	Labor	Ramón Morales Romero	1/2 (21/4) Centro transf.	4.5	1	10