O artigo 28 do vixente Estatuto de autonomía de Galicia establece no seu ordinal 2º a competencia da Comunidade Autónoma galega no desenvolvemento lexislativo e na execución da lexislación do Estado en materia de expropiación forzosa.

Con data do 4 de decembro de 2014, a Xunta de Galicia procedeu á declaración da utilidade pública e urxente ocupación dos bens e dereitos necesarios para os efectos de expropiación para a mencionada obra, mediante o Decreto 155/2014, publicado no Diario Oficial de Galicia do 15 de decembro de 2014.

Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954, e 56 e seguintes do regulamento para a súa aplicación, este servizo, en uso das facultades que lle confire o artigo 98 da mencionada lei, resolveu convocar os titulares dos bens e dereitos afectados que figuran na relación exposta no taboleiro de anuncios do Concello de Vigo para que comparezan no lugar, na data e nas horas que se detallan a seguir, co fin de proceder ao levantamento das actas previas á ocupación, nas cales se recollerán os datos necesarios para determinar os bens e dereitos afectados, o seu valor e os prexuízos determinantes da rápida ocupación, sen prexuízo de se trasladaren ao lugar dos predios se o consideran necesario.

Termo municipal de Vigo.

Lugar: Casa do Concello de Vigo.

Data: 19 de xaneiro de 2015, das 9.30 ás 13.30 horas.

A relación de titulares, cos bens e dereitos afectados, así como o plano parcelario correspondente, estará exposta no Concello de Vigo e no Servizo da Axencia Galega de Infraestruturas de Pontevedra (avda. Fernández Ladreda, 43-1º).

A ese acto deberán acudir os titulares afectados persoalmente ou ben representados por persoa debidamente autorizada para actuar no seu nome, achegar os documentos acreditativos da súa titularidade, o documento nacional de identidade e o último recibo da contribución e poden facerse acompañar pola súa conta, se o consideran oportuno, dos seus peritos e notarios.

Así mesmo, e no cumprimento do establecido no artigo 56 do regulamento da Lei de expropiación forzosa, publicouse no Diario Oficial de Galicia núm. 167, do 3 de setembro de 2014, o anuncio polo que se sometía a información pública, en materia de expropiacións, a relación de bens e dereitos necesarios para a execución da citada actuación, para que calquera persoa física ou xurídica puidese formular alegacións para os efectos de corrixir posibles erros na relación de bens e dereitos.

Pontevedra, 22 de decembro de 2014

Fausto Núñez Vilar
Xefe do Servizo de Infraestruturas de Pontevedra