Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento do MVMC de Anafreita con propiedades particulares.

O 17 de outubro de 2014 foi presentada a proposta de deslindamento do MVMC de Anafreita con propiedades particulares e plano topográfico realizado por técnico competente.

Xunto coa proposta de deslindamento consta o acordo da asemblea xeral da comunidade de Anafreita no que se aproba a dita proposta.

Con data do 5 de decembro de 2014, o Servizo de Montes de Lugo emitiu un informe favorable ao considerar que non existe menoscabo da integridade do MVMC ao producirse un incremento da súa superficie.

O plano topográfico e a restante documentación desta proposta de deslindamento estará dispoñible para a súa consulta nas oficinas do Servizo de Montes de Lugo, sitas na rolda da Muralla, 70, baixo 2º. Este expediente poderá ser examinado polas persoas interesadas todos os días hábiles das 9.00 ás 14.00 horas.

Contra esta proposta de deslindamento, no prazo dun mes desde a publicación deste anuncio no Diario Oficial de Galicia, poderanse presentar alegacións e títulos que acrediten a propiedade ou a posesión dos predios estremeiros ante a comunidade propietaria do MVMC de Anafreita.

Lugo, 11 de decembro de 2014

José Ramón Losada Fernández
Xefe territorial de Lugo