O pasado 6 de novembro a Presidencia de Portos de Galicia declarou deserto o procedemento aberto (sistema multicriterio) para a selección dunha oferta para a tramitación dunha concesión administrativa de ocupación do dominio público portuario do porto de Sada, parcela D2, para almacenaxe e reparación de embarcacións deportivas e outros usos complementarios, convocado mediante Resolución do 28 de maio de 2014.
O 21 de novembro de 2014 o presidente de Portos de Galicia, con base no artigo 83.b) do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, acorda iniciar o trámite da concesión administrativa a favor da empresa Yatesport, S.A.U. (licitador único do procedemento indicado no paragrafo anterior), para ocupación de dominio público portuario para a explotación da nave localizada no porto deportivo de Sada, parcela D2, para almacenaxe e reparación de embarcacións deportivas e outros usos complementarios, segundo documentación técnica das actuacións propostas no procedemento aberto indicado. Non está prevista a execución de obras a maiores da infraestrutura e edificación xa existente, agás a construción do pechamento de separación entre a nave D2 e a súa lindeira D1.
En cumprimento do disposto no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, oficinas sitas na praza Europa, 5 A, 6º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está a disposición na web portosdegalicia.com
Santiago de Compostela, 21 de novembro de 2014
José Juan Durán Hermida
Presidente de Portos de Galicia