Con data do 12 de setembro de 2014, a conselleira de Sanidade resolveu desestimar o recurso de alzada interposto por María Isabel Calvo Silva contra a resolución do expediente sancionador 2014060TA-PO ditada pola xefa territorial da Consellería de Sanidade en Pontevedra o 26 de maio de 2014.
Intentada a notificación da resolución do recurso de alzada, e non sendo posible a súa práctica, segundo o disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, por medio desta cédula, notifícaselle a María Isabel Calvo Silva o contido da referida resolución que figura como anexo.
De acordo co establecido no artigo 62 da Lei 58/2003, do 17 de decembro, xeral tributaria, deberá facer efectiva a multa no seguinte prazo: 1) se a notificación se realiza entre os días 1 e 15 do mes, desde a data da notificación ata o día 20 do mes posterior ou, se este non fose hábil, ata o inmediato hábil seguinte e, 2) se a notificación se realiza entre os días 16 e último do mes, desde a data da notificación ata o día 5 do segundo mes posterior ou o inmediato hábil seguinte; todo iso mediante ingreso que deberá efectuar en calquera oficina de Abanca, do BBVA, transacción 1316 NIF S1511001H e do Banesto, empregando os impresos normalizados que lle serán facilitados nas dependencias desta xefatura territorial. De non facelo así, procederase ao seu cobramento pola vía de constrinximento.
Así mesmo, fáiselle saber o dereito que a asiste para presentar recurso contencioso- administrativo ante o xulgado do contencioso-administrativo competente, segundo o disposto nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa e no artigo 91 da Lei 6/1985, do 1 de xullo, do poder xudicial, no prazo de dous meses que se contarán desde o día seguinte ao da publicación desta cédula, de conformidade co artigo 46 da referida Lei 29/1998.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro.
Pontevedra, 14 de novembro de 2014
Ángeles Feijoo-Montenegro Fernández
Xefa territorial de Pontevedra
ANEXO
Número do expediente: 2014060TA-PO.
Denunciada: María Isabel Calvo Silva, con NIF 35318625D, como titular do establecemento A.B. Lucio.
Último enderezo coñecido: San Antoniño, Estación de Servizo, 36191 Barro, Pontevedra.
Feito imputado: infracción en materia sanitaria.
Preceptos infrinxidos: artigo 4.c) da Lei 28/2005, do 26 de decembro, de medidas sanitarias fronte ao tabaquismo e reguladora da venda, a subministración, o consumo e a publicidade dos produtos do tabaco (BOE núm. 309, do 27 de decembro); modificada pola Lei 42/2010, do 30 de decembro (BOE núm. 318, do 31 de decembro).
Tipificación: infracción leve, segundo o artigo 19.2.c) da citada Lei 28/2005, do 26 de decembro.
Sanción imposta: setenta e cinco euros (75,00 €).
Contido da resolución: desestima o recurso de alzada interposto por María Isabel Calvo Silva.