1. Entidade adxudicadora (cláusula 3ª do prego de cláusulas administrativas particulares (PCAP):
a) Organismo: Consorcio Provincial contra Incendios e Salvamento da Coruña (NIF: V15859481).
b) Dependencia que tramita o expediente: Secretaría.
c) Número de expediente: G. 01/14.
d) Aprobación do expediente: Pleno do Consorcio en sesión do día 20 de novembro de 2014.
2. Obxecto do contrato (cláusula 1ª do PCAP):
a) Obxecto: contrato administrativo de xestión de servizo público.
b) Descrición do obxecto: xestión indirecta, mediante concesión administrativa, do servizo de prevención e intervención en emerxencias que corresponde ao Consorcio contratante segundo os seus estatutos.
c) División por lotes: non; o contrato executarase nun lote único.
d) Lugar de execución: provincia da Coruña coas condicións e excepcións establecidas na cláusula 1.3 do prego de administrativas particulares (PCAP) e prescrición I do das prescricións técnicas (PPT).
e) Prazo de execución: oito anos.
f) Prórrogas: ata un máximo de oito anos.
g) Codificación do contrato:
– CPA: 84.25.11 (servizos de extinción e prevención de incendios).
– CPV: 75251000-0 (servizos dos corpos de bombeiros).
3. Tramitación, procedemento e selección do contratista:
a) Tramitación (cláusula 9ª do PCAP): ordinaria.
b) Procedemento (cláusula 9ª do PCAP): aberto.
c) Selección (cláusula 17ª do PCAP): oferta economicamente máis vantaxosa con pluralidade de criterios de adxudicación cun total de 100 puntos distribuídos en:
– Sometidos a Comité de Expertos, ata 60 puntos, subdivididos en: organización do servizo: persoal adscrito e marco territorial (ata 35 puntos); incremento e substitución de vehículos e equipos (ata 12 puntos); outras melloras para a prestación do servizo (ata 8 puntos); mantemento dos parques, equipamento e vehículos (ata 3 puntos); proxectos de pólizas de seguros (ata 2 puntos).
– Mediante aplicación de fórmula: baixa sobre o tipo inicial de licitación (mellora no prezo), ata 40 puntos.
4. Orzamento de licitación e valor estimado do contrato (cláusula 4ª do PCAP):
a) Orzamento de licitación: 55.573.883,92 € (cincuenta e cinco millóns cincocentos setenta e tres mil oitocentos oitenta e tres euros con noventa e dous céntimos) máis a partida correspondente ao imposto sobre o valor engadido (11.670.515,62 €).
b) Valor estimado do contrato: 111.147.767,84 € (cento once millóns cento corenta e sete mil setecentos sesenta e sete euros con oitenta e catro céntimos).
5. Garantías (cláusula 13ª do PCAP):
a) Provisional: 166.721,65 € (cento sesenta e seis mil setecentos vinte e un euros con sesenta e cinco céntimos).
b) Definitiva: ascenderá á cantidade resultante de lle aplicar a porcentaxe do 5 por 100 ao importe do prezo en que se vaia adxudicar o contrato (o total dos oito anos), IVE excluído.
c) Complementaria: non.
6. Obtención de documentación e información (cláusula 10ª do PCAP):
a) Entidade: Consorcio Provincial contra Incendios e Salvamento da Coruña.
b) Domicilio: polígono industrial Bértoa; rúa do Bronce-parcela G 2.
c) Localidade e código postal: Carballo, 15105.
d) Teléfono: 981 75 81 17.
e) Fax: 981 70 00 24.
f) Web: www.cciacoruna.com
g) Data límite de obtención de documentos e información: ata o sexto día hábil previo ao da data de remate que corresponda do da presentación de ofertas por parte dos licitadores interesados.
7. Requisitos específicos do contratista e de solvencia económica e financeira, e técnica: cláusula 8ª do PCAP e segundo se especifica no punto 2 da cláusula 12ª do PCAP.
8. Presentación de ofertas:
a) Prazo de presentación de ofertas: dentro dos 20 (vinte) días naturais desde o seguinte ao da publicación do último dos anuncios da licitación no Boletín Oficial da provincia da Coruña ou no Diario Oficial de Galicia (cláusula 11ª do PCAP). Se o último día coincide con sábado ou festivo, finalizaría o día seguinte a estes.
b) Inicio do prazo de presentación de ofertas: o primeiro día natural ao seguinte ao da publicación do último do anuncios de licitación nos citados BOP da Coruña ou no DOG.
c) Documentación que cómpre presentar: a especificada nos puntos 2 (sobre A), 3 (sobre B), e 4 (sobre C) da cláusula 12 do PCAP.
d) Horario de presentación: desde as 9.00 ata as 14.00 horas, sexa cal for o medio en que se presenten (puntos 2 e 3 da cláusula 11ª do PCAP).
e) Lugar de presentación:
– Entidade: Consorcio Provincial contra Incendios e Salvamento da Coruña.
– Domicilio: polígono industrial Bértoa; rúa do Bronce-parcela G 2.
– Localidade e código postal: Carballo, 15105.
f) Prazo durante o cal o licitador está obrigado a manter a súa oferta: tres meses.
g) Admisión de variantes: non se admiten.
9. Apertura das ofertas (cláusula 15ª do PCAP):
a) Entidade: Mesa de Contratación.
b) Lugar, data e hora: inserirase con 48 horas de antelación no perfil do contratante e, de ser o caso, comunicarase por fax ou correo electrónico aos licitadores.
c) Sobres obxecto de apertura en acto público: serán abertos en acto público tanto os sobres B (Documentación técnica de criterios de adxudicación non avaliables mediante a aplicación de fórmulas), como os sobres C (Oferta económica e estudo de custos).
10. Documentación de interese (cláusula 10ª do PCAP): no perfil do contratante da web do Consorcio (www.cciacoruna.com) insírense, ademais do anuncio de licitación, os documentos seguintes: o prego de cláusulas administrativas particulares (PACP) e os seus anexos e o prego das prescricións técnicas (PPT); os anexos deste último (PPT) están á disposición dos interesados na indicada sede do Consorcio contratante. En caso de solicitar copia en soporte papel de calquera documento, deberá aboarse previamente a taxa correspondente (en aplicación da Ordenanza fiscal nº 3, publicada no Boletín Oficial da provincia da Coruña nº 35, do 14.2.2005); non obstante, os licitadores poden facilitar un lapis de memoria ao Consorcio para obter as copias dos pregos e anexos.
11. Gastos de anuncios (cláusula 10ª.1 do PCAP): serán por conta do que resulte contratista e en contía máxima de 3.500,00 €.
Carballo, 21 de novembro de 2014
Luis Menor Pérez
Presidente do Consorcio Provincial contra Incendios e Salvamento da Coruña