Intentada a notificación das ditas resolucións segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo, para que poidan ter coñecemento del.
Así mesmo, fáiselles saber o dereito que os asiste para que poidan realizar as alegacións e presentar a documentación que coiden oportuna, no prazo de quince días, que comezará a contar a partir do día seguinte ao desta publicación.
Á vista das alegacións e da documentación achegada, ou transcorrido o prazo concedido para o efecto, ditarase a resolución que lle corresponda respecto ao reintegro da subvención concedida.
Lémbraselles tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9-1º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.
A Coruña, 7 de novembro de 2014
Mª Pilar Caridad Alonso
Xefa territorial da Coruña
ANEXO
Nº de expediente: TR341M 2011/000031-1.
Nome ou razón social: Ibérica de Gestión y Producción de Consumibles, S.L.
Último enderezo coñecido: rúa Rafael Dieste, 6, baixo, 15009 A Coruña (A Coruña).
Feito imputado: non xustificar a cantidade percibida como anticipo da axuda de custo salarial como establece este programa.
Precepto infrinxido: alíneas b) e j) do artigo 13 da orde de convocatoria.
Contido da resolución: iniciar o expediente declarativo da procedencia de reintegro.
Nº de expediente: TR341M 2011/000043-1.
Nome ou razón social: Graublán Ibérica, S.L.
Último enderezo coñecido: rúa Ánxel Fole, 13, 4º A, 15930 Cambre (A Coruña).
Feito imputado: non xustificar a cantidade percibida como anticipo da axuda de custo salarial como establece este programa.
Precepto infrinxido: alíneas b) e j) do artigo 13 da orde de convocatoria.
Contido da resolución: iniciar o expediente declarativo da procedencia de reintegro.