Na sesión que tivo lugar o día 14 de novembro de 2014, o tribunal nomeado pola Orde do 13 de febreiro de 2014 (Diario Oficial de Galicia núm. 37, do 24 de febreiro), modificada pola Orde do 19 de marzo de 2014 (Diario Oficial de Galicia núm. 61, do 28 de marzo), para cualificar o proceso selectivo para o ingreso no corpo de axudantes facultativos da Xunta de Galicia, subgrupo C1, escala de delineantes, adoptou os seguintes acordos:

Primeiro. Que de conformidade co establecido na base II.1.1.3 da orde da convocatoria, superou o terceiro exercicio e obtivo a cualificación de apto o aspirante Víctor José Ramos Mendo con DNI 11974950T.

Segundo. Realizar os trámites oportunos para publicar a cualificación obtida polo aspirante que se presentou ao terceiro exercicio do proceso selectivo para o ingreso no corpo de axudantes facultativos da Xunta de Galicia, subgrupo C1, escala de delineantes, no lugar onde se realizou o exercicio, no taboleiro de anuncios do Servizo de Rexistro Xeral e Información á Cidadanía da Vicepresidencia e Consellería de Presidencia, Administracións Públicas e Xustiza, e na páxina web da Xunta de Galicia (www.xunta.es).

Terceiro. Segundo o disposto na base II.1.2.7 da orde da convocatoria, o aspirante poderá presentar as alegacións que consideren oportunas en relación coa cualificación no prazo de 10 días hábiles contados desde o seguinte ao da publicación desta resolución no Diario Oficial de Galicia.

Cuarto. De acordo co disposto na base III.13 da convocatoria, contra estes acordos poderase interpoñer recurso de alzada nos termos previstos nos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 14 de novembro de 2014

Isidoro García López
Presidente do tribunal