De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde da Consellería de Sanidade do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión de postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, e pola Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde e polo Decreto 168/2010, do 7 de outubro, polo que se regula a estrutura organizativa de xestión integrada do Servizo Galego de Saúde, o xerente de Xestión Integrada de Lugo, Cervo e Monforte de Lemos
RESOLVE:
Primeiro. Anunciar a convocatoria para a cobertura, polo procedemento de libre designación, dos postos de supervisor/a de área do Hospital Universitario Lucus Augusti de Lugo que se indican no anexo.
Segundo. Anunciar a convocatoria para a cobertura, polo procedemento de concurso de méritos e a defensa pública dun proxecto técnico relacionado coa xestión da unidade, dos postos de supervisor/a de unidade do Hospital Universitario Lucus Augusti de Lugo que se indican no anexo.
Terceiro. Anunciar a convocatoria para a cobertura, polo procedemento de libre designación, dos postos de coordinador/a do Servizo de Atención Primaria que se indican no anexo.
Cuarto. As retribucións dos postos ofertados serán as que correspondan de acordo coa normativa vixente sobre confección de nóminas do persoal ao servizo da Administración autonómica.
Quinto. As solicitudes para participar na presente convocatoria dirixiranse á Xerencia de Xestión Integrada de Lugo, Cervo e Monforte de Lemos e poderán presentarse no Rexistro Xeral da dita xerencia de xestión integrada, sita no Hospital Universitario Lucus Augusti de Lugo, na rúa Dr. Ulises Romero 1, 27003 Lugo, ou a través de calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de vinte días naturais contados a partir do seguinte ao da publicación deste anuncio no Diario Oficial de Galicia.
Sexto. As bases íntegras das convocatorias estarán expostas nos taboleiros de anuncios da Oficina de Atención ao Traballador do Hospital Universitario Lucus Augusti de Lugo, así como na páxina web do Servizo Galego de Saúde (www.sergas.es).
Lugo, 28 de outubro de 2014
Antonio García Quintáns
Xerente de Xestión Integrada de Lugo, Cervo e Monforte de Lemos
ANEXO
– Supervisor/a de Área do Hospital Universitario Lucus Augusti de Lugo
Área |
Nº de prazas |
Saúde Mental |
1 |
Servizos de Soporte |
1 |
– Supervisor/a de Unidade do Hospital Universitario Lucus Augusti de Lugo
Unidade |
Nº de prazas |
Médico-Cirúrxica |
2 |
Radiodiagnóstico |
1 |
Urxencias |
1 |
– Coordinador de Servizo de Atención Primaria
Servizo de Atención Primaria |
Nº de prazas |
A Milagrosa (Lugo) |
1 |
A Fonsagrada |
1 |