Suministros Hervaz, S.L. solicita unha modificación substancial por ampliación de uso para permitir a subministración a vehículos automóbiles da concesión administrativa outorgada para a construción e explotación de instalacións de subministración de combustible a embarcacións, no dominio público portuario de Cabo de Cruz, segundo o «Proxecto de instalación dunha marquesiña na estación de servizo do porto de Cabo de Cruz (Boiro)», elaborado polo enxeñeiro técnico industrial Roberto Ozores Nine (colexiado nº 2084), asinado o 13 de xuño de 2014, e do «Proxecto básico: instalación de rede de saneamento e rede de abastecemento», elaborado pola enxeñeira técnica agrícola Rosa Ana Tubio Piñeiro (colexiada nº 1.511), asinado o 17 de xuño de 2014.

O que se fai público para os efectos previstos no artículo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do xoves 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro de Portos de Galicia, situadas na rúa Alférez Provisional, 5-1º, 15006 A Coruña, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia. A documentación está á disposición na web www.portosdegalicia.com.

A Coruña, 18 de xuño de 2014

Lorena Solana Barjacoba
Enxeñeira xefa da Zona Centro de Portos de Galicia