A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicaranlles aos organismos responsables na Comunidade Autónoma a homologación dos ditos cursos e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.
En consecuencia, anúnciase a realización dun curso de aplicador/manipulador de biocidas, nivel básico, homologado polas direccións xerais de Saúde Pública do Ministerio de Sanidade e Consumo e de Agricultura do Ministerio de Agricultura, Pesca e Alimentación, solicitado pola entidade Academia A Mariña, de acordo coas seguintes bases:
1. Denominación do curso:
Curso para a capacitación de aplicadores/manipuladores de produtos biocidas. Nivel básico.
2. Entidade organizadora:
Academia A Mariña.
3. Datas:
Os días 9, 11, 15, 17 e 18 de decembro de 2014.
4. Lugar de realización:
Academia de Enseñanza Newton, rúa Rouco Varela, 24, baixo, 27800 Vilalba (Lugo).
5. Número de prazas:
Máximo de 30 alumnos.
6. Dirixido a:
Todo o persoal auxiliar das empresas que apliquen e/ou manipulen produtos biocidas.
7. Criterios de selección:
Por rigorosa orde de recepción da solicitude de inscrición.
8. Presentación de solicitudes:
Solicitude segundo o modelo do anexo I.
9. Programa:
Día 9.12.2014 |
|
8.30-10.30 h |
Biocidas. Descrición e xeneralidades. |
10.30-12.45 h |
Riscos para o home derivados da utilización dos praguicidas. |
Día 11.12.2014 |
|
8.30-11.30 h |
Xeneralidades sobre pragas ambientais e da industria alimentaria e os métodos de loita antivectorial. Técnicas de aplicación dos biocidas. |
11.30-12.45 h |
Praguicidas e ambiente. Problemas que presentan. Destrución de envases. |
Día 15.12.2014 |
|
15.30-16.30 h |
Praguicidas e ambiente II. Problemas que presentan II. Destrución de envases II. |
16.30-19.45 h |
Hixiene e seguridade no seu manexo e aplicación. |
Día 17.12.2014 |
|
15.30-18.30 h |
Prácticas e demostración/exemplificación cos EPI. |
18.30-19.45 h |
Prevención, diagnóstico e primeiros auxilios no caso de intoxicación por praguicidas. Prácticas. |
Día 18.12.2014 |
|
15.30-17.30 h |
Interpretación de pictogramas e etiquetas. |
17.30-18.45 h |
Repaso xeral. |
18.45-19.45 h |
Realización do exame. |
10. Certificado de superación do curso:
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente, co cal poderán solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel básico.
Santiago de Compostela, 20 de outubro de 2014
Sonia Martínez Arca
Directora xeral de Innovación e Xestión da Saúde Pública
ANEXO I
Ficha de solicitude de inscrición
Curso para a capacitación de aplicadores/manipuladores de produtos biocidas. Nivel básico.
Entidade organizadora: Academia A Mariña.
Datas: os días 9, 11, 15, 17 e 18 de decembro de 2014.
Lugar de realización do curso: Academia de Enseñanza Newton, rúa Rouco Varela, 24, baixo, 27800 Vilalba (Lugo).
Duración: 20 horas teórico-prácticas.
Horario: os días 9 e 11 de decembro en horario de 8.30 a 12.45 horas. Os días 15, 17 e 18 de decembro en horario de 15.30 a 19.45 horas.
Nº de prazas: máximo de 30 alumnos.
Presentación de solicitudes: enviarase a ficha de inscrición á Academia A Mariña, avenida Arcadio Pardiñas, 44, entresollado, 27880 Burela (Lugo), á atención de Ramón Hermida Pumares.
Teléfono: 982 58 50 98; fax: 982 57 51 01; correo electrónico: formacion@amarina.org
Xuntarase: fotocopia do DNI, copia da folla de inscrición e xustificante de ingreso.
Criterio de selección: por rigorosa orde de recepción da solicitude xunto co xustificante de pagamento.
Nome e apelidos
Data de nacemento
NIF/DNI
Enderezo
C.P Localidade
Tel Correo electrónico.........................................