Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Ramos Alidis, S.L.
Domicilio social: polígono industrial O Allo, parcela 14, Baio, Zas.
Denominación: LMTS, CS e CT de 630 kVA.
Situación: polígono industrial O Allo, parcela 14, Baio.
Características técnicas: LMTS de 2,5 metros, 3×240 mm², 12/20 tipo Al-2LO, en bucle, que parte da liña do mesmo tipo, propiedade DAE da empresa subministradora, interrompéndoa, con desvío ao CS, sito no edificio do subscritor. Edificio sectorizado: zona de compañía (dúas celas de entrada/saída e cela de conexión ao CT), zona do subscritor (cela de entrada, cela de protección e cela de medida) e acceso ao transformador trifásico redutor de tensión, con neutro accesible en BT, de potencia 630 kVA en baño de aceite e refrixeración natural tipo Onan, de tensión primaria 20 kV e tensión secundaria 420 V en baleiro e grupo de conexión DYN11.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 1º piso, 15071 A Coruña, no prazo de vinte días, contados a partir do día seguinte a aquel en que teña lugar a publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Ley 4/1999, do 13 de xaneiro.
A Coruña, 29 de outubro de 2014
Isidoro Martínez Arca
Xefe territorial da Coruña