De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,

DISPOÑO:

1. Notificar mediante a presente cédula a Manuel Meiriño González o Acordo do Xurado de Expropiación de Galicia do 10 de xullo de 2014, que fixa o prezo xusto do predio nº 8 (Maderas Villar), sito en Carballeda de Avia, relativo ao proxecto 01326, expediente 2013/000449, cuxos datos se relacionan no anexo.

2. Contra esta resolución, que esgota a vía administrativa, a persoa interesada poderá interpoñer recurso potestativo de reposición, ante o mesmo órgano que a ditou, no prazo dun mes contado desde o día seguinte ao da súa notificación ou publicación, de acordo co previsto nos artigos 116 e 117 da LRXPAC. A persoa interesada poderá tamén interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata que sexa resolto o recurso de reposición ou se entenda presuntamente desestimado. O texto íntegro do acordo referido na presente cédula está á disposición do interesado nas dependencias do Xurado de Expropiación de Galicia, con enderezo no Edificio Administrativo de San Lázaro, s/n, de Santiago de Compostela, 15703.

3. En consecuencia, para que conste e lle sirva de notificación á persoa expropiada, expido, asino e selo esta cédula.

Santiago de Compostela, 15 de setembro de 2014

Juan Carlos Argüello Fernández
Presidente do Xurado de Expropiación de Galicia

ANEXO

Proxecto para o cal se expropia: 01326 LMTS. CT. Santo Estevo. Expediente IN407 2007/52-3 AT. TM Carballeda de Avia.

Nº de expediente: 2013/000449.

Persoa que se notifica: Manuel Meiriño González.

Expropiante: Consellería de Innovación e Industria. Delegación Provincial de Ourense.

Expropiado: Manuel Meiriño González.

Beneficiaria: Unión Fenosa Distribución, S.A.

Predio nº: 8 (Maderas Villar).

Concello: Carballeda de Avia.

Provincia: Ourense.

Valoración resolución do Xurado: 490,19 €.