De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 12, do 14 de xaneiro), notifícaselle á persoa que se cita a seguir a incoación ditada pola Xefatura da Área Provincial de Turismo de Pontevedra, do expediente sancionador en materia de turismo número PO-S-41/2014 por infracción administrativa da Lei 7/2011, do 27 de outubro, de turismo de Galicia, xa que, intentada polos medios habituais, non se puido practicar.
Concédese un prazo de quince días, de conformidade cos artigos 3.2 e 16.1 do Real decreto 1398/1993, para que os interesados presenten as alegacións, documentos e información que consideren convenientes ou, se for o caso, propoñan probas concretando os medios das cales se pretenda valer. Expirado o prazo sen formular alegacións, este acordo considerarase proposta de resolución, de acordo co disposto no artigo 13.2 do citado real decreto.
Expediente: PO-S-41/2014.
Titular sancionado: Rigu Morrazo, S.L.
Establecemento: Café-Bar Con Tapas.
Enderezo: Daniel Castelao 28.
Concello: Moaña.
Data da incoación: 27 de xuño de 2014.
Feitos imputados:
– Non dispoñer materialmente dos documentos exixidos pola normativa turística para o exercicio das actividades, así como non observar na devandita documentación as condicións exixidas.
– Incumprir o deber de exhibir os distintivos, os carteis, a lista de prezos e a documentación exixida pola normativa turística, así como exhibilos sen as formalidades requiridas.
Preceptos infrinxidos: artigo 109 da Lei 7/2011, de turismo de Galicia
Sanción proposta: 100 euros, de conformidade co establecido no artigo 114.a) da Lei 7/2011, de turismo de Galicia.
Pontevedra, 23 de setembro de 2014
Mª Ángeles Herrero Pérez
Xefa da Área Provincial de Turismo de Pontevedra