Acordo da Xunta de Goberno Local do 25 de setembro de 2014 mediante a que se resolve a convocatoria para a provisión, polo procedemento de libre designación, do posto de asesor xurídico do Concello de Ourense.
Convocada a provisión, polo sistema de libre designación, do posto de asesor xurídico deste concello (DOG do 13 de agosto; corrección de erros DOG do 1 de setembro), a Xunta de Goberno Local, en sesión do 25 de setembro de 2014, acordou:
Nomear a Juan Ramón Costas Núñez (32796803E) asesor xurídico, de conformidade co disposto no artigo 129 da Lei 7/1985, do 2 de abril, reguladora das bases do réxime local.
O prazo de toma de posesión será de tres días hábiles se non implica cambio de residencia, ou de sete días hábiles se comporta cambio de residencia. Estes prazos empezarán a contarse a partir do día seguinte ao do cesamento, que deberá efectuarse o día seguinte ao da publicación do acordo de nomeamento no Diario Oficial de Galicia.
Contra este acordo, que pon fin á vía administrativa, cabe recurso potestativo de reposición ante a Xunta de Goberno Local no prazo dun mes contado desde o día seguinte ao da súa publicación no Diario Oficial de Galicia, ou recurso ante o Xulgado do Contencioso-Administrativo no prazo de dous meses contados a partir da mesma data.
Ourense, 25 de setembro de 2014
Carmen Rodríguez Dacosta
Directora xeral de Recursos Humanos