Por resolución da tenente alcalde delegada de Persoal, por delegación da Xunta de Goberno Local, do 9 de setembro de 2014, disponse o seguinte:

Primeiro. Resolver a convocatoria pública para a provisión, polo sistema de libre designación dos postos de traballo vacantes neste concello, aprobada pola Resolución da tenente alcalde delegada de Persoal do 1 de agosto de 2014 (DOG núm. 154, do 14 de agosto).

Segundo. Adxudicarlles ás persoas que se relacionan a continuación o posto de traballo que se indica de conformidade coa relación dos postos de traballo aprobada por Acordo da Xunta de Goberno Local do 28 de xullo de 2014 e coas características que se describen na seguinte táboa:

Terceiro. Os expresados nomeamentos producirán efectos a partir da data de toma de posesión do posto de traballo obxecto desta convocatoria.

O cesamento no destino actual do persoal que obtivo praza producirase no prazo de tres días hábiles, contados a partir do seguinte ao da data de publicación desta resolución no Diario Oficial de Galicia.

O prazo para a toma de posesión do novo destino será de tres días hábiles a partir do seguinte ao do cesamento, se non implica cambio de residencia, ou de sete días hábiles se comporta cambio de residencia, de conformidade co establecido no artigo 14 do Decreto 93/1991, do 20 de marzo.

O cómputo de prazos de posesión iniciarase cando se finalicen os permisos ou licenzas, que, se é o caso, fosen concedidas ao citado persoal. Nos supostos de baixa temporal ou transitoria iniciarase a partir da correspondente alta.

Cuarto. Notifíqueselles a presente resolución aos interesados, aos directores das respectivas áreas así como aos concelleiros das áreas ás cales están adscritos os postos convocados.

A Coruña, 9 de setembro de 2014

Martín González Rodríguez
Director de Facenda e Administración Pública