A Xunta de Goberno Local, na sesión que tivo lugar o día 28 de xullo de 2014, adoptou o acordo de aprobar inicialmente o estudo de detalle de ordenación de volumes para a construción dunha cuberta sobre a pista de hóckey existente no Colexio Santa María do Mar, situado na avda. da Pasaxe, 69, na Coruña, presentado a trámite por Isidro González Modroño, en calidade de director do citado colexio.
En cumprimento do artigo 86.2 da Lei 9/2002, do 30 de decembro, de ordenación urbanística e protección do medio rural de Galicia, o estudo de detalle sométese a información pública polo prazo de vinte días hábiles, que se contarán desde o día seguiente á última publicación no DOG ou na prensa local, para que calquera interesado poida consultalo e formular, de ser o caso, as alegacións que considere oportunas.
A documentación do estudo de detalle pode consultarse no Departamento de Planeamento da Área de Urbanismo (praza de Indalecio Prieto, 1-3), en horario laboral de luns a venres, así como na páxina web do concello www.coruna.es/urbanismo
A Coruña, 31 de xullo de 2014
César de Jesús Otero Grille
Director de Urbanismo