Con data do 2 de maio de 2014 a conselleira de Sanidade ditou resolución da reclamación de responsabilidade patrimonial presentada por Julia García Gómez o 18 de agosto de 2010.
Intentada a notificación desta resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio da presente cédula, segundo o disposto no número 5 do referido artigo, notifícase a Julia García Gómez o contido da referida resolución, que figura como anexo, para que poida ter coñecemento dela.
Como de acordo co artigo 61 de devandita Lei 30/1992, do 26 de novembro, a publicación da resolución de responsabilidade patrimonial pode lesionar dereitos ou intereses lexítimos, esta cédula limítase á publicación, como anexo, dunha sucinta indicación do contido do acto e do lugar onde o interesado poderá comparecer en prazo, para coñecemento do contido íntegro de devandito acto e constancia de tal coñecemento.
A dita resolución pon fin á vía administrativa e, de acordo co artigo 109 da Lei 30/1992, do 26 de novembro, contra ela poderase interpoñer recurso contencioso-administrativo, segundo o disposto no artigo 14.1, na súa regra segunda, da Lei 29/1998, do 13 de xullo, reguladora da xurisdición contencioso-administrativa, no prazo de dous meses desde o día seguinte ao da súa notificación, de conformidade co artigo 46 da referida Lei 29/1998, do 13 de xullo.
A presente cédula expídese para que conste e sirva de notificación ao interesado, en cumprimento do disposto no artigo 59.5 da Lei 30/1992, do 26 de novembro.
Santiago de Compostela, 28 de xullo de 2013
Antonio Fernández-Campa García-Bernardo
Secretario xeral técnico da Consellería de Sanidade
ANEXO
Nº de expediente: 252/12.
Reclamante: Julia García Gómez.
DNI/NIF: 35284340-V.
Último domicilio coñecido: en Pontevedra, rúa Leopoldo Novoa García, nº 6, baixo B, Raxó de Poio, 36992 Pontevedra.
Contido da notificación: resolución da reclamación de responsabilidade patrimonial presentada por Julia García Gómez polos supostos danos que lle foron ocasionados pola atención que lle foi prestada a través de medios do Sistema Público de Saúde de Galicia.
Lugar de comparecencia: Secretaría Xeral Técnica da Consellería de Sanidade, Edificio Administrativo San Lázaro, 15703 Santiago de Compostela.
Prazo de comparecencia: 15 días.