Con data do 22.5.2014, o xefe do Servizo de Formación en Emerxencias da Academia Galega de Seguridade Pública remitiu escrito de requirimento de documentación relativo ao expediente de inscrición no Rexistro Profesional de Socorristas Acuáticos de Galicia, solicitada por Álvaro Bravo Hernández.
Unha vez tentada por dúas veces a notificación do citado requirimento a través do servizo de Correos no domicilio indicado polo interesado para os efectos de notificación, esta non se puido efectuar e foi devolta polo dito servizo coa indicación de «ausente na repartición».
Polo exposto, esta dirección xeral, en cumprimento do disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, en virtude deste anuncio, notifícalle a Álvaro Bravo Hernández o requirimento antes citado.
O interesado pode recoller o requirimento mediante comparecencia nas dependencias da Academia Galega de Seguridade Pública (rúa da Cultura s/n, A Estrada, Pontevedra), das 9.00 ás 14.00 horas, no prazo de dez días contados a partir do seguinte ao da publicación deste anuncio no Diario Oficial de Galicia.
Así mesmo, infórmase o intereswado de que, de conformidade co artigo 71.1 da citada lei, transcorrido o dito prazo sen que compareza, darase por desistido da súa petición, logo de resolución ditada nos termos previstos no artigo 42.
A Estrada, 29 de xullo de 2014
Santiago Villanueva Álvarez
Director xeral da Academia Galega de Seguridade Pública