1. Entidade adxudicadora: a) Organismo: Concello de Vigo; b) Dependencia que tramita o expediente: Área de Fomento; c) Obtención de documentación e información: Servizo de Contratación do Concello de Vigo, Pza. do Rei, s/n, 36202 Vigo. Teléfono: 986 81 01 48, fax: 986 22 62 06. Correo electrónico: contratacion@vigo.org. Enderezo da internet do perfil do contratante: www.vigo.org. Data límite para solicitar documentación: ata o día de finalización do prazo de presentación de proposicións; d) Número de expediente: 2490-440.
2. Obxecto do contrato: a) Tipo: obras; b) Descrición: as obras previstas no proxecto de humanización da rúa Alonso Ojeda-Teis (expediente 2616-443), consistentes na remodelación dos servizos e pavimentación da rúa, mediante a conformación de novas beirarrúas, a repavimentación da calzada e a mellora da urbanización existente (mobiliario, xardinaría, iluminación); c) CPV: 45231000-5 e 45233252-0; d) División por lotes e número de lotes: non; e) Lugar de execución: Concello de Vigo; f) Prazo de execución: catro (4) meses.
3. Tramitación e procedemento: a) Tramitación: ordinaria; b) Procedemento: aberto; c) Criterios de adxudicación: os consignados no punto 8 da folla de especificacións do contrato do prego de cláusulas administrativas particulares.
4. Orzamento base de licitación: importe total: 240.000 euros (IVE incluído).
5. Garantías exixidas: a) Provisional: non se exixe; b) Definitiva: 5 % do importe do contrato, excluído o IVE.
6. Requisitos específicos do contratista: a) Clasificación: non. b) Solvencia económica e financeira e solvencia técnica e profesional: a exixida no punto 6) da folla de especificacións do contrato (FEC).
7. Presentación de ofertas: a) Data límite de presentación: o prazo rematará o vixésimo sexto día seguinte ao de publicación deste anuncio no BOP e no DOG; b) Lugar de presentación: Rexistro Xeral do Concello de Vigo, Pza. do Rei, s/n, 36202 Vigo; c) Admisión de melloras: non; d) Prazo da obriga de manter a oferta: dous meses contados desde o día da apertura de proposicións.
8. Apertura de ofertas: a) Enderezo: Casa do Concello de Vigo, Pza. do Rei, s/n, 36202 Vigo. b) Data e hora: anunciaranse no perfil do contratante do Concello de Vigo (www.vigo.org).
9. Gastos de publicidade: pagaraos o adxudicatario ata a cantidade de 1.000 euros.
Vigo, 21 de xullo de 2014
David Regades Fernández
Concelleiro delegado de Contratación