De conformidade co establecido no Decreto 206/2005, do 22 de xullo (DOG nº 145, de 29 de xullo), de provisión de prazas de persoal estatutario do Servizo Galego de Saúde, na Orde do 24 de maio de 2006 (DOG nº 106, do 5 de xuño), pola que se establecen as bases do procedemento para a provisión de postos de xefatura e coordinación das institucións sanitarias do Servizo Galego de Saúde, e no uso das competencias atribuídas pola Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servizo Galego de Saúde, disponse:

Primeiro. Anunciar a convocatoria para cubrir, polo sistema de concurso de méritos, un posto vacante de xefe/a de grupo-subgrupo C2 para Xestión Económica.

Segundo. Poderá concorrer a ela todo o persoal estatutario de xestión e servizos, con vínculo de fixeza e situación de servizo activo nas categorías C1 ou C2.

Terceiro. A resolución da convocatoria coas súas bases estará exposta na mesma data de publicación deste anuncio no DOG, no taboleiro de anuncios da Xerencia de Xestión Integrada da Coruña, así como na páxina web do Servizo Galego de Saúde (www.galiciasaude.es).

Cuarto. As instancias dirixiranse ao xerente da Xerencia de Xestión Integrada da Coruña (Hospital A Coruña, As Xubias de Arriba, 84, 15006 A Coruña) e poderán presentarse no rexistro desta ou calquera rexistro xeral dos servizos do Servizo Galego de Saúde e da Consellería de Sanidade ou a través de calquera dos procedementos do artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. O prazo para a presentación das instancias será de quince (15) días hábiles e comezará a partir do día seguinte ao da publicación deste anuncio no Diario Oficial de Galicia.

A Coruña, 7 de xullo de 2014

Francisco José Vilanova Fraga
Xerente de Xestión Integrada da Coruña