Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: travesía de Vigo, 204, 36207 Vigo.
Denominación: LMTS subministración principal ao novo hospital de Vigo.
Situación: Vigo.
Características técnicas: dúas liñas subterráneas a 15 kV con condutor tipo RHZ de 1.921 metros de lonxitude, con orixe na subestación de Valadares e final no centro de reflexión situado no límite da parcela do novo hospital. A instalación está situada na zona de Valadares, Vigo.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 8 de xullo de 2014
Ignacio Rial Santomé
Xefe territorial de Pontevedra