Por Orde do 21 de febreiro de 2014, publicada no Diario Oficial de Galicia núm. 45, do 6 de marzo, convocouse a provisión, polo sistema de libre designación, dos postos de traballo da Consellería do Medio Rural e do Mar que se detallan no anexo desta orde.
De conformidade co establecido nos artigos 17.4 e 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e no Decreto 93/1991, do 20 de marzo, que aproba o Regulamento de provisión de postos de traballo, promoción profesional e promoción interna, e demais normativa vixente, esta consellería
DISPÓN:
Primeiro. Resolver a convocatoria pública efectuada pola Orde do 21 de febreiro de 2014 e designar as persoas funcionarias, cuxos datos se sinalan no anexo desta orde, para ocupar os postos que tamén se especifican.
Segundo. De conformidade co establecido nos artigos 14 e 16.2 do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo, os cesamentos nos actuais destinos efectuaranse no prazo de tres días contados a partir do seguinte ao da publicación no Diario Oficial de Galicia. Se a resolución comporta o reingreso ao servizo activo, o prazo de toma de posesión deberá computarse desde a dita data.
Se na data en que deben cesar nos seus destinos os funcionarios están gozando un período de licenza, vacacións ou permiso, o prazo para efectualo empezará a contar a partir do día seguinte ao da súa incorporación.
A toma de posesión das prazas adxudicadas deberase realizar no prazo dos tres días hábiles seguintes ao do cesamento, se non implica cambio de residencia, ou de sete días hábiles se comporta cambio de residencia. Cando os adxudicatarios dos postos obteñan coa súa toma de posesión o reingreso ao servizo activo, o prazo será de vinte días hábiles.
Con independencia do establecido no parágrafo anterior, a persoa titular da consellería onde obteñan o novo destino os funcionarios poderá concederlles unha prórroga de incorporación ata un máximo de vinte días hábiles, se os destinos implican cambio de residencia e así o solicitasen os interesados por razóns xustificadas.
Terceiro. As xefaturas de persoal dos centros en que causen baixa os funcionarios, así como as daqueles en que obteñan destino, consignarán nos títulos administrativos, dentro do prazo sinalado no punto anterior, as correspondentes dilixencias de cesamento e de toma de posesión, das cales se dará traslado, mediante copia, á Dirección Xeral da Función Pública.
Cuarto. Contra esta orde, que esgota a vía administrativa, os/as interesados/as poderán interpoñer recurso potestativo de reposición perante a Consellería do Medio Rural e do Mar, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido la Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 10 de xullo de 2014
P.D. (Orde do 30.3.2012; DOG núm. 70, do 12 de abril)
Alfonso García Magariños
Secretario xeral técnico da Consellería do Medio Rural e do Mar
ANEXO
Apelidos e nome: Piñeiro Tubío, Xosé Alberte.
NRP: 4481506035 A2052.
Grupo: A/A2.
Corpo/escala: facultativo de grao medio da Xunta de Galicia, escala de enxeñeiros técnicos forestais.
Denominación do posto: xefatura do Servizo de Planificación Preventiva.
Código: MR.301.00.002.15770.040.
Nivel: 28.
Dependencia: Subdirección Xeral de Prevención e Defensa contra os Incedios Forestais-Secretaría Xeral do Medio Rural e Montes.
Localidade: Santiago de Compostela.
Apelidos e nome: Núñez Ruíz, Diego.
NRP: 76713222257 A2052.
Grupo: A/A2.
Corpo/escala: facultativo de grao medio da Xunta de Galicia, escala de enxeñeiros técnicos forestais.
Denominación do posto: xefatura do Servizo de Organización e Contr. de Medios.
Código: MR.301.00.002.15770.024.
Nivel: 28.
Dependencia: Subdirección Xeral de Prevención e Defensa contra os Incedios Forestais-Secretaría Xeral do Medio Rural e Montes.
Localidade: Santiago de Compostela.