Pola Orde do 12 de febreiro de 2014 (DOG nº 35, do 20 de febreiro), da Consellería de Traballo e Benestar establecéronse as bases reguladoras dos premios á cooperación e procedeuse á súa convocatoria para o ano 2014.
Nas bases reguladoras establécese que a Comisión Permanente do Consello Galego de Cooperativas actuará como tribunal e que a persoa titular da Dirección Xeral de Traballo e Economía Social resolverá a concesión dos premios que serán obxecto de publicación no DOG.
Unha vez aprobada a proposta de concesión dos premios pola Comisión Permanente do Consello Galego de Cooperativas, na súa reunión do 3 de xuño de 2014, e sen que fosen formuladas reclamacións,
DISPOÑO:
Facer pública a concesión dos premios á cooperación 2014 ás entidades que se indican a continuación:
Premios aos valores cooperativos a Amegrove, Sociedade Cooperativa Galega.
Premio compartido ao mellor proxecto cooperativo a O Canto da Balea, Sociedade Cooperativa Galega e a Cooperativa de Cine y Documental, Sociedade Cooperativa Galega.
Premio á promoción do cooperativismo a Santa María do Val, Sociedade Cooperativa Galega.
Santiago de Compostela, 8 de xullo de 2014
Odilo Martiñá Rodríguez
Director xeral de Traballo e Economía Social