Na presente peza civil número 90/2014, dimanante do procedemento de execución hipotecaria número 37/2012 do Xulgado de Primeira Instancia número 1 de Pontevedra, seguido a instancia do Banco Bilbao Vizcaya Argentaria fronte a María Marcela Ordas Vidal e Fernando Vila Bugarín ditouse auto, cuxo tenor literal é o seguinte:
«Maxistrados:
Francisco Javier Valdés Garrido.
María Begoña Rodríguez González.
Jacinto José Pérez Benítez.
Auto número 75.
En Pontevedra, 2 de abril de 2014.
Seguen antecedentes de feito e razoamentos xurídicos.
A sala acorda:
Estímase parcialmente o recurso de apelación e revógase parcialmente o auto de instancia impugnado, no sentido de, malia confirmar a declaración de nulidade, por abusiva, da cláusula sexta do contrato que serviu de título executivo (escritura pública de préstamo hipotecario), que impón un xuro de mora do 19 % anual, acordar requirir a parte executante para que presente nova liquidación de xuros que aplique como tipo de xuro de demora o tipo de xuro, legal do diñeiro, todo iso sen facer especial imposición das costas procesuais da presente alzada.
Fágase devolución á executante recorrente do depósito constituído para poder recorrer en apelación.
Así o acordan, mandan e asinan os maxistrados citados á marxe. Dou fe.
Seguen rúbricas. Certifico».
E encontrándose o devandito demandado, Fernando Vila Bugarín, en paradoiro descoñecido e para que así conste e remítase ao Diario Oficial de Galicia, expídese o presente edicto co fin de que sirva de notificación en forma a este.
Pontevedra, 21 de maio de 2014
A secretaria xudicial