Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Eléctrica de Moscoso, S.L.

Domicilio social: avenida do Concello, 21, 36830 A Lama.

Denominación: centro de manobra San Vicente.

Situación: Fornelos de Montes.

Carecterísticas técnicas: centro de manobra en caseta existente equipado con: 1 cela de interruptor automático, 2 celas entrada/saída de liña, 1 interruptor automático, condutores de entrada e/ou saída. A instalación está situada en San Vicente, Oitavén, Fornelos de Montes.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 13 de xuño de 2014

Ignacio Rial Santomé
Xefe territorial de Pontevedra