De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 12, do 14 de xaneiro), notifícaselle á persoa que se cita a seguir a incoación, ditada pola xefatura da Área Provincial de Turismo de Pontevedra, do expediente sancionador en materia de turismo número PO-S-27/2014, por infracción administrativa da Lei 7/2011, do 27 de outubro, do turismo de Galicia, xa que, intentada polos medios habituais, non se puido efectuar.
Concédese un prazo de quince días, de conformidade cos artigos 3.2 e 16.1 do Real decreto 1398/1993, para que os interesados presenten as alegacións, os documentos e a información que consideren convenientes ou, de ser o caso, propoñan probas que concreten os medios dos cales se pretendan valer. Unha vez expirado o prazo sen formular alegacións, este acordo considerarase proposta de resolución, de acordo co disposto no artigo 13.2 do citado real decreto.
Expediente: PO-S-27/2014.
Titular interesada: Chapela Viajes, S.L.
Establecemento: Viajocio.
Enderezo: r/ Barcelona 12.
Concello: Vigo.
Fecha da incoación: 5 de maio de 2014.
Feitos imputados: informar ou facer publicidade dos bens ou servizos de forma que lle induza erro ou confusión á usuaria ou ao usuario turístico.
Preceptos infrinxidos: artigo 110.15) da Lei 7/2011, do turismo de Galicia.
Sanción proposta: 2.500 euros, de conformidade co establecido no artigo 114.a) da Lei 7/2011, do turismo de Galicia.
Pontevedra, 30 de xuño de 2014
Mª Ángeles Herrero Pérez
Xefa da Área Provincial de Turismo de Pontevedra