1. Entidade adxudicadora.

a) Organismo: Augas de Galicia.

b) Dependencia que tramita o expediente: Contratación.

c) Número de expediente: OH.488.340.SV.

2. Enderezo da internet do perfil do contratante.

http://www.contratosdegalicia.es/consultaOrganismo.jsp?N=216

Tamén se terá acceso ao perfil desde a plataforma de contratos públicos de Galicia a través de http://www.xunta.es e desde a plataforma de contratación do sector público
https://contrataciondelestado.es, por medio de enlaces de interese ás plataformas de contratación das comunidades autónomas e na páxina web http://www.augasdegalicia.xunta.es

3. Obxecto do contrato.

a) Tipo: administrativo de servizo.

b) Descrición: actuacións de conservación, mantemento e mellora do dominio público hidráulico das bacías de Galicia-Costa, no ámbito territorial da zona de Galicia-Sur e as súas zonas de acceso e protección 2013-2015.

c) CPV (referencia de nomenclatura): 90000000-7 e 45246200-5.

d) Medio de publicación do anuncio de licitación: DOUE, DOG e BOE.

e) Data de publicación do anuncio de licitación: Diario Oficial de la Unión Europea núm. S151, do 6 de agosto; Diario Oficial de Galicia núm. 150, do 7 de agosto, e Boletín Oficial del Estado núm. 189, do 8 de agosto de 2013.

4. Tramitación e procedemento.

a) Tramitación: ordinaria.

b) Procedemento: aberto, con varios criterios de valoración e suxeito a regulación harmonizada.

5. Valor estimado do contrato: 1.556.171,56 euros. Inclúe os orzamentos de licitación e das eventuais prórrogas.

6. Orzamento base de licitación. Importe neto: 778.085,78 euros. Importe total: 941.483,79 euros. Esta actuación cofinanciaraa nun 80 % a Unión Europea no período do 2013 a 2015, a través do Fondo Europeo de Desenvolvemento Rexional (Feder), no marco do programa operativo Feder Galicia 2007-2013, eixe prioritario de intervención 3: ambiente, contorno natural, recursos hídricos e prevención de riscos; tema prioritario ou medida 53: prevención de riscos (incluídas a elaboración e aplicación de plans e medidas para prever e xestionar os riscos naturais e tecnolóxicos); actuación 3.53.3: recuperación, limpeza e drenaxe de canles. «Unha maneira de facer Europa».

7. Formalización do contrato.

a) Data de adxudicación: 14 de maio de 2014.

b) Data de formalización do contrato: 6 de xuño de 2014.

c) Contratista: Otero Forestal, S.L. & Servicios Medioambientales, S.L.N.E., Unión Temporal de Empresas Lei 19/1982.

d) Importe ou canon de adxudicación. Importe neto: 692.029,49 euros. Importe total: 837.355,68 euros.

e) Vantaxes da oferta adxudicataria: proposición economicamente máis vantaxosa por obter a maior puntuación total con base na aplicación dos criterios de valoración establecidos no prego de cláusulas administrativas particulares, nos cales se inclúen as características que determinan a selección da súa oferta con preferencia á dos restantes licitadores admitidos no procedemento de adxudicación correspondente.

8. Outras informacións.

A adxudicación do citado contrato, en cumprimento do artigo 151 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, e conforme o disposto no prego de cláusulas administrativas particulares, foi debidamente notificada aos licitadores e publicada no perfil do contratante.

O que se fai público para os efectos previstos no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.

Santiago de Compostela, 30 de xuño de 2014

Gonzalo Mosqueira Martínez
Director de Augas de Galicia