O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 19 de xuño de 2013 acordou iniciar os trámites para a clasificación como veciñal en man común do seguinte monte:

Concello: Redondela.

Parroquia: Santo Estevo de Negros.

Nome do monte: Fixón.

Cabida: 427,3 m2 (superficie alegada na solicitude).

Lindes:

Norte: regato.

Sur: pista asfaltada.

Leste: pista asfaltada.

Oeste: Rosa Parada Giménez e Rosa Rivas Rodríguez.

O que se pon en coñecemento de todos os interesados, para efectos de abrir un período dun mes de duración para que se poida examinar o expediente e aducir durante este tempo o que se considere procedente en relación cos montes de referencia, así como presentar cantas alegacións, documentos ou informacións consideren convenientes e, se for o caso, propoñer proba concretando os medios de que pretendan valerse, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23 do Decreto 260/1992, do 4 de setembro, polo que se aproba o regulamento para a execución da dita lei.

Pontevedra, 23 de xuño de 2014

P.A.
X. Carlos Morgade Martínez
Instrutor