O Instituto Enerxético de Galicia remite ao Xulgado do Contencioso-Administrativo número 1 de Santiago de Compostela o expediente administrativo correspondente ao recurso interposto polo Concello de Oleiros contra a Resolución do 23 de decembro de 2013 pola que se establecen as bases reguladoras e se anuncia a convocatoria anticipada de subvencións para o exercicio 2014, en réxime de concorrencia competitiva, para proxectos de aforro e eficiencia enerxética referidos á renovación das instalacións de iluminación pública exterior existentes nos concellos de Galicia (ILE), confinanciadas polo Fondo Europeo de Desenvolvemento Rexional, no marco do programa operativo Feder-Galicia 2007-2013.

O que se notifica para xeral coñecemento a todos os interesados no procedemento, que son emprazados para que poidan comparecer como parte nel no prazo de nove días contados a partir do seguinte ao da publicación do presente anuncio no Diario Oficial de Galicia.

Santiago de Compostela, 20 de xuño de 2014

Ángel Bernardo Tahoces
Director do Instituto Enerxético de Galicia