En virtude do establecido no artigo 13.2 do Estatuto da Axencia Galega de Infraestruturas aprobado polo Decreto 173/2011, do 4 de agosto, e nos artigos 4.13º e 34.2º da Lei 1/1983, do 22 de febreiro, de normas reguladoras da Xunta e da súa Presidencia, e 65 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, presentada, o pasado 17 de xuño, renuncia expresa da titular do posto de directora da Axencia Galega de Infraestruturas, con motivo de pasar a desempeñar o cargo de conselleira de Medio Ambiente, Territorio e Infraestruturas, por proposta do vicepresidente e conselleiro de Presidencia, Administracións Públicas e Xustiza, e logo de deliberación do Consello da Xunta de Galicia, na súa reunión do día vinte de xuño de dous mil catorce,
DISPOÑO:
Que cese, por pase a outro destino, Ethel María Vázquez Mourelle, como directora da Axencia Galega de Infraestruturas, agradecéndolle os servizos prestados.
O cesamento terá efectos do día 17 de xuño de 2014.
Santiago de Compostela, vinte de xuño de dous mil catorce.
Alberto Núñez Feijóo
Presidente
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza