En sesión que tivo lugar o día 3 de xuño de 2014, o tribunal nomeado pola Orde do 14 de abril de 2014 (DOG núm. 80, do 28 de abril) pola que se nomea o tribunal encargado de cualificar o proceso selectivo para o ingreso no corpo facultativo superior da Xunta de Galicia, subgrupo A1, escala de enxeñeiros/as industriais, convocado pola Orde do 20 de xuño de 2013 (DOG núm. 122, do 28 de xuño), acordou que o primeiro exercicio da fase de oposición terá lugar o día 25 de xuño de 2014 e que o lugar de realización será o Palacio de Congresos e Exposicións de Galicia (rúa Miguel Ferro Caaveiro, s/n, San Lázaro, 15707 Santiago de Compostela), na sala Compostela, en chamamento único que se iniciará ás 16.00 horas.

Os aspirantes deberán ir provistos de DNI ou documento fidedigno acreditativo da súa identidade a xuízo do tribunal, lapis do número 2 e goma de borrar.

Non se permitirá o acceso ás aulas en que se realice o exercicio con teléfonos móbiles, axendas electrónicas ou calquera outro instrumento de que se poida valer o aspirante para auxiliarse na realización do exercicio. Non se habilitará ningún servizo de recollida de móbiles.

Pontevedra, 9 de xuño de 2014

José Manuel González González
Presidente do tribunal