De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,
DISPOÑO:
1. Notificar mediante a presente cédula a Marina Flora Prieto Gómez o acordo do Xurado de Expropiación de Galicia do 13 de febreiro de 2014, que fixa o prezo xusto do predio nº 92 sito en Viveiro, relativo ao proxecto 01292, expediente 2012/003252, cuxos datos se relacionan no anexo.
2. Contra esta resolución, que esgota a vía administrativa, a persoa interesada poderá interpoñer recurso potestativo de reposición ante o mesmo órgano que a ditou, no prazo dun mes contado desde o día seguinte ao da súa notificación ou publicación, de acordo co previsto nos artigos 116 e 117 da LRXPAC. A persoa interesada poderá tamén interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata que sexa resolto o recurso de reposición ou se entenda presuntamente desestimado. O texto íntegro do acordo referido na presente cédula está á disposición do interesado nas dependencias do Xurado de Expropiación de Galicia, con enderezo no Edificio Administrativo de San Lázaro, s/n, de Santiago de Compostela, 15703.
3. En consecuencia, para que conste e sirva de notificación á persoa expropiada, expido, asino e selo esta cédula.
Santiago de Compostela, 2 de maio de 2014
Juan Carlos Argüello Fernández
Presidente do Xurado de Expropiación de Galicia
ANEXO
Proxecto para o cal se expropia: 01292-LAT 132 kV D/C dúplex Subestación Magazos-Subestación Boimente. Exp. 12/2007 AT. TM Viveiro.
Nº expediente: 2012/003252.
Persoa que se notifica: Marina Flora Prieto Gómez.
Expropiante: Consellería de Innovación e Industria. Delegación Provincial de Lugo.
Expropiada: Marina Flora Prieto Gómez.
Beneficiario: E-ON España.
Predio nº: 92.
Concello: Viveiro.
Provincia: Lugo.
Valoración resolución do Xurado: 192,37 €.