De conformidade co establecido no Real decreto 1786/2009, do 20 de novembro (Boletín Oficial del Estado do 8 de decembro), polo que se regula a iniciativa de apoio financeiro á modernización e mellora do comercio interior, modificado polo Real decreto 404/2013, do 7 de xuño, así como no artigo 7.5 da Lei 30/1992, do 26 de novembro, de réxime xurídico das administracións públicas e do procedemento administrativo común, anúnciase a publicación no Boletín Oficial del Estado núm. 116, do 13 de maio, do Acordo do 11 de marzo de 2014, da Conferencia Sectorial de Comercio Interior, polo que se efectúa a convocatoria para o ano 2014 e se establece o procedemento para a concesión de préstamos con cargo ao Fondo Financeiro do Estado para a Modernización do Comercio Interior.
O prazo para a presentación de solicitudes é de dous meses contados desde o día seguinte ao da publicación do acordo no Boletín Oficial del Estado.
As solicitudes presentaranse en calquera oficina das entidades de crédito adheridas á liña de mediación ICO-Comercio interior 2014 do Instituto de Crédito Oficial, dispoñible na súa web (http://www.ico.es).
O texto completo do acordo pódese consultar no Boletín Oficial del Estado núm. 116, do 13 de maio de 2014, páxinas 37623 a 37633.
Santiago de Compostela, 13 de maio de 2014
Sol María Vázquez Abeal
Directora xeral de Comercio