Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e a autorización administrativa de construción, en concreto, da instalación eléctrica que se describe:

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: recuamento LMTS, CT La Condesa 1.

Situación: concello de Mugardos.

Características técnicas:

Liña de media tensión soterrada a 15/20 kV, cunha lonxitude de 2×0,016 km, con orixe en empalme para realizar na LMTS existente 712, en condutor RHZ-2OL 12/20 kV-1×240 mm2 Al e final na mesma liña unha vez entre e saia do centro de transformación proxectado.

Centro de transformación compacto prefabricado subterráneo 2L+1P, con transformador de 630 kVA, e unha relación de transformación de 15.000/400 V.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita na rúa Vicente Ferrer, 2, 2ª planta, 15071 A Coruña, no prazo de vinte días a partir do día seguinte ao da última publicación da presente resolución.

A Coruña, 11 de abril de 2014

Por vacante (Artigo 30.3 do Decreto 110/2013; DOG nº 140, do 24 de xullo)
Isidoro Martínez Arca
Xefe do Servizo de Administración Industrial