No Diario Oficial de Galicia núm. 78, do 24 de abril de 2014, publicouse a Resolución do 21 de abril de 2014 pola que se anuncia a licitación, polo trámite ordinario, procedemento aberto multicriterio e contratación documentalmente simplificada, da obra de construción dun centro de saúde en Buño-Malpica (A Coruña), cofinanciada ao 50 % por fondos do Estado, dentro do Plan de desenvolvemento rural sustentable (PDRS 2010-2014), eixe 3, servizos e benestar social. Neste mesmo día publicáronse no perfil do contratante do Servizo Galego de Saúde os pregos de cláusulas administrativas particulares e prescricións técnicas particulares desta contratación.
Advertido un erro no prego de prescricións técnicas particulares publicado, procede a publicación do prego correcto no perfil do contratante http://www.sergas.es/
Así mesmo, reiníciase o cómputo do prazo da presentación de proposicións, que terminará o vixésimo sexto (26º) día natural seguinte ao da publicación desta corrección de erros no Diario Oficial de Galicia. Cando o último día para a presentación de ofertas coincida en sábado ou en día inhábil o prazo entenderase prorrogado ata o primeiro día hábil seguinte.
Permanece inalterado o resto dos aspectos detallados no anuncio orixinario, todo isto de conformidade co artigo 49 da Lei 30/1992, do 26 de novembro, de réxime xurídico das administracións públicas e do procedemento administrativo común.
O que faise público para xeral coñecemento e, en especial, das empresas interesadas.
Santiago de Compostela, 25 de abril de 2014
P.D. (Decreto 43/2013 e Orde do 5.7.2012)
Pablo Torres Arrojo
Director xeral de Recursos Económicos