Presentación.
1. A Asociación de Médicos Gallegos, Asomega, organiza o Premio Novoa Santos, convocando a XVIII edición deste.
2. Colabora con Asomega nesta convocatoria Uniteco.
– Bases do premio:
1. Poderán tomar parte neste premio persoas relevantes galegas ou directamente vinculadas a Galicia da medicina-sanidade, cuxo labor profesional ou centífico foi de repercusión nacional ou internacional e especificamente de proxección cara a Galicia.
2. As propostas dos candidatos ou candidatas deberán ser realizadas por universidades, reais academias ou colexios profesionais de medicina, farmacia ou veterinaria, sociedades científicas, hospitais, fundacións, etc., o un grupo mínimo de oito profesionais médico-sanitarios.
3. As solicitudes irán acompañadas da seguinte documentación:
a) Un resumo do currículo do candidato ou candidata en formato electrónico (PDF).
b) Unha memoria na que se aduzan os méritos do candidato ou candidata nun máximo de 5 follas (PDF).
4. O galardoado aceptará o compromiso de pronunciar unha conferencia do tema médico-sanitario, que considere foi motivo do Premio Novoa Santos.
5. Non poderán concorrer os membros da Xunta Directiva de Asomega.
6. As solicitudes e documentación, cuxo prazo límite de presentación rematará o día 20 de maio de 2014, serán dirixidas ao secretario de Asomega, r/ Santa Cruz de Marcenado, 31, 7º-22. Madrid 28015. Tel. 677 04 60 72. Correo electrónico: asomegasecretaria@gmail.com
– Premio:
l. O Premio Novoa Santos será outorgado por un xurado constituído pola Xunta Directiva de Asomega. Para tal fin, celebrarase unha reunión da Xunta Directiva e a súa decisión, ante a que non caberá reclamación nin recurso, darase a coñecer a continuación.
2. O galardón consistirá en 12.000 euros, diploma e medalla conmemorativa do Premio Novoa Santos. O premio é indivisible.
3. No mes de xuño deste ano, a Xunta Directiva de Asomega fará entrega do Premio Novoa Santos ao galardoado quen pronunciará unha conferencia do tema médico-sanitario que considere que foi o motivo de tal mérito.
Madrid, 22 de abril de 2014
Melchor Álvarez de Mon Soto
Presidente da Asociación de Médicos Gallegos