A Consellería de Facenda anuncia o procedemento aberto para a contratación documentalmente simplificada do servizo consistente no desenvolvemento da campaña publicitaria «O programa operativo Feder Galicia 2007-2013».

1. Poder adxudicador.

a) Organismo: Consellería de Facenda da Xunta de Galicia.

b) Dependencia que tramita o expediente: Secretaría Xeral Técnica e do Patrimonio.

c) Numero de expediente: FA04/2014.

2. Obxecto do contrato.

a) Tipo de contrato: servizo.

b) Descrición do obxecto: o servizo consistente no desenvolvemento da campaña publicitaria «O programa operativo Feder Galicia 2007-2013».

c) CPV: 79.341000-6.

d) Prazo de execución: o prazo de execución do servizo obxecto desta contratación comezará o día seguinte ao da sinatura do contrato e estenderase como máximo ata o 30 de novembro de 2014.

e) Condicións especiais de execución do contrato: considerarase condición especial de execución o Plan estratéxico de medios, que debe presentar o adxudicatario no prazo de 10 días desde a sinatura do contrato. No citado plan deberán detallarse os medios nos que farán as insercións, as datas e, de ser o caso, o horario, así como o número de insercións de cada tipo e para cada soporte, respectando as especificacións previstas no PPT e os termos da oferta.

De non achegar a devandita documentación no prazo indicado, resolverase o contrato.

Unha vez aprobado expresamente o plan estratéxico de medios pola Secretaría Xeral de Medios, o adxudicatario deberá executar a campaña nos medios de comunicación. A campaña durará como máximo 1 mes e finaliza, en todo caso, antes do 30 de novembro de 2014.

3. Tramitación, procedemento e forma de adxudicación.

a) Tramitación: ordinaria e documentalmente simplificada.

b) Procedemento: aberto.

c) Criterios de adxudicación:

– Oferta técnica (non avaliable mediante aplicación de fórmulas): 50 puntos.

• Medios de Galicia y target en Galicia: 15 puntos.

• Estratexia da campaña que facilite o cumprimento dos obxectivos de comunicación e accións especiais ofertadas: 25 puntos.

• Seguimento e control da campaña: 10 puntos.

– Oferta económica (avaliable mediante aplicación de fórmulas): 50 puntos.

• Custo plan de medios xornais escritos: 18 puntos.

• Custo plan de medios radios: 14 puntos.

• Custo plan de medios internet banner gráfico en portada: 9 puntos.

• Custo plan de medios internet banner gráfico en rotación: 9 puntos.

4. Orzamento base de licitación.

a) Prezo: cento oitenta e cinco mil novecentos cincuenta euros con corenta e un céntimos (185.950,41 €), IVE excluído.

b) IVE: trinta e nove mil corenta e nove euros con cincuenta e nove céntimos (39.049,59 €).

5. Garantías.

a) Provisional: non se exixe.

b) Definitiva: 9.297,52 € que corresponde ao 5 % do importe do orzamento base de licitación.

6. Obtención de documentación e información.

a) Entidade: Secretaría Xeral Técnica e do Patrimonio, Servizo de Control Orzamentario, Contratación e Réxime Interior da Consellería de Facenda.

b) Enderezo: Edificio Administrativo San Caetano, nº 3.

c) Localidade e código postal: Santiago de Compostela 15781.

d) Teléfonos: 981 54 57 14/981 54 41 40.

e) Telefax: 881 99 91 91.

f) Perfil do contratante: http://www.contratosdegalicia.es/resultado.jsp?N=20308

g) Data límite de obtención de documentos: será a mesma que para a presentación de proposicións.

7. Requisitos específicos do contratista.

Acreditarase por calquera das seguintes formas:

a) Clasificación: grupo T, subgrupo 1, categoría B.

b) Solvencia económica, financeira, técnica e profesional: segundo o establecido na cláusula 13 do prego de cláusulas administrativas particulares e nas alíneas F e G da folla de especificacións.

8. Presentación das ofertas.

a) Data límite de presentación: ata as catorce (14.00) horas do décimo quinto (15) día natural, contado desde a publicación deste anuncio no Diario Oficial de Galicia. Se o último día do prazo coincide en domingo ou festivo, entenderase prorrogado ata o primeiro día hábil seguinte.

b) Documentación necesaria: a indicada na cláusula 10 do prego de cláusulas administrativas particulares.

c) Lugar de presentación: en sobre pechado, na oficina do Rexistro Único e Información no Complexo Administrativo de San Caetano, 15781 Santiago de Compostela. Se as proposicións se cursan por correo, observarase o previsto na cláusula 10.1 do prego de cláusulas administrativas particulares.

d) Admisión de variantes: non se admitirá a presentación de variantes ou alternativas.

9. Apertura das ofertas: acto público.

a) Entidade e lugar: sala de xuntas da Consellería de Facenda.

b) Enderezo: Edificio Administrativo San Caetano, nº 3, 15781 Santiago de Compostela.

c) Data e hora: unha vez rematado o prazo de presentación de proposicións faranse públicas no perfil do contratante as convocatorias das mesas públicas para a apertura dos sobres B e C.

10. Gastos de anuncios.

Serán por conta do adxudicatario.

11. Perfil do contratante.

http://www.contratosdegalicia.es/resultado.jsp?N=20308

Poderase consultar tamén na seguinte páxina web:

http://www.conselleriadefacenda.es/web/portal/perfil-do-contratante

Santiago de Compostela, 28 de marzo de 2014

P.D. (Orde do 9.1.2012)
Mª Socorro Martín Hierro
Secretaria xeral técnica e do Patrimonio da Consellería de Facenda