1. Organismo. Concello de Outeiro de Rei.
a) Dependencia que tramita o expediente: Secretaría.
b) Domicilio: Praza do Concello, s/n.
c) Localidade e código postal: Outeiro de Rei 27150.
d) Teléfono: 982 39 32 81.
e) Enderezo da internet do perfil do contratante: http://www.outeiroderei.org
As publicacións sucesivas dos actos relativos á tramitación do contrato levaranse a cabo no perfil do contratante do Concello de Outeiro de Rei.
Os pregos de condicións administrativas particulares están publicadas no perfil do contratante.
2. Obxecto do contrato e descrición do inmoble:
Compravenda dunha porción de 1586 m2 da parcela 1.5.6 do Plan de sectorización CC1-1ª fase, de prescrición industrial, e que estrema (predio matriz): norte: parcela 1.5.5 propiedade de Congelados Sariego, S.L.; sur: rúa interior do sector; leste: rúa interior do sector, e oeste: parcela 1.5.4 propiedade de Ángel Ceide López e fillos. A parcela que se vai allear está libre de cargas.
O inmoble foi adquirido polo concello, en concepto de cesión obrigatoria documentada na escritura de compensación resultante da xestión do polígono de prescrición industrial CC1-1ª fase, expedida pola notaria Monserrat Trigo Mayor, con data do 13 de xullo de 2006, número protocolo oitocentos dezanove. O predio matriz encóntrase inscrito no Rexistro da Propiedade número 2 de Lugo como predio 10076, tomo 1112, libro 88, folio 52.
O predio matriz consta inventariado no inventario de bens municipal como predio urbano número 34.
3. Tramitación e procedemento: o alleamento efectuarase en poxa pública, adxudicarase ao licitador que oferte o maior prezo.
4. Orzamento base de licitación: 158.552,42 euros. Neste prezo non se inclúen os impostos correspondentes á transmisión (IVE).
5. Garantías exixidas: provisional de 3.000 euros.
6. Condicións especiais de execución: véxase no prego.
7. Presentación de ofertas ou de solicitudes de participación:
a) Data límite de presentación: quince días contados desde a publicación no BOP.
b) Modalidade de presentación: en sobre pechado.
c) Lugar de presentación:
Dependencia: Rexistro Xeral do Concello de Outeiro de Rei.
Domicilio: Praza do Concello, s/n.
Localidade e código postal. Outeiro de Rei 27150.
Outeiro de Rei, 21 de marzo de 2014
José Pardo Lombao
Alcalde