En sesión que tivo lugar o día 11 de marzo de 2014, o tribunal nomeado pola Orde do 13 de febreiro de 2014 (Diario Oficial de Galicia número 37, do 24 de febreiro), modificada pola Orde do 19 de marzo de 2014 (Diario Oficial de Galicia número 61, do 28 de marzo), para cualificar o proceso selectivo para o ingreso no corpo de axudantes facultativo da Xunta de Galicia, subgrupo C1, escala de delineantes, acordou, de conformidade co disposto na base II.1.2.6 da convocatoria, que o primeiro exercicio da oposición terá lugar o día vinte e nove (29) de abril de 2014, na Facultade de Dereito de Santiago de Compostela, na aula 1 e no salón de actos, en chamamento único que se iniciará ás 16.30 horas.
Os aspirantes deberán ir provistos de DNI ou documento fidedigno acreditativo da súa identidade, ao xuízo do tribunal, lapis do nº 2 e goma de borrar.
Non se permitirá o acceso ao recinto onde se realice o exercicio con teléfonos móbiles, axendas electrónicas ou calquera outro instrumento de que se poidan valer os aspirantes para auxiliarse na realización do exercicio. Non se habilitará no recinto ningún servizo de recollida de móbiles.
Santiago de Compostela, 8 de abril de 2014
Isidoro García López
Presidente do tribunal