O Pleno do Concello de Cerdido o día 28.2.2014 aprobou inicialmente o documento de inicio da modificación puntual 2/2013 do Plan xeral de ordenación municipal.
Sométese a información pública por un prazo de dous meses mediante un anuncio no taboleiro de editos do Concello, no Diario Oficial de Galicia e en dous dos xornais de maior difusión na provincia. Ao mesmo tempo e durante o mesmo prazo, daráselles audiencia aos municipios limítrofes.
E acordou a suspensión do procedemento de outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente: sector de solo urbanizable S-03, lugar do Porto, parroquia da Barqueira.
Cerdido, 13 de marzo de 2014
Ana Rodríguez Montero
Alcaldesa